جنگ کا 22واں روز، ایران کے مختلف شہروں میں مزید حملے، آبنائے ہرمز میں بھی کارروائی

امریکا اور اسرائیل کے ایران پر حملے بائیسویں روز میں داخل ہوگئے۔ ایران پر امریکا اور اسرائیل نے تازہ حملے کیے ہیں جن میں ایرانی دارالحکومت تہران، اصفہان اور کرج سمیت مختلف شہروں کو نشانہ بنایا گیا۔

حملوں کے بعد ایرانی شہروں میں دھماکوں کی آوازیں سنی گئیں۔ دوسری جانب امریکی افواج نے آبنائے ہرمز میں بھی ایرانی ڈرونز اور نیوی کے جہازوں کو نشانہ بنایا۔

امریکا نے آبنائے ہرمز کو کلیئر کروانے کیلئے نیا آپریشن شروع کررکھا ہے جس میں اس نے اپنے نچلی پرواز کرنے والے اے ٹین طیارے اور اپاچی ہیلی کاپٹر تعینات کیے ہیں۔