اردو ڈائجسٹ کے مدیر الطاف حسین قریشی وفات پا گئے

رائیونڈ: سینئر صحافی اور اردو ڈائجسٹ کے مدیر الطاف حسین قریشی انتقال کرگئے۔ خاندانی ذرائع نے ان کے انتقال کی تصدیق کر دی۔

الطاف حسین قریشی اردو صحافت اور علمی دنیا کا ایک معتبر نام تھے۔ انہوں نے صحافت، ادب اور قومی معاملات پر اپنی تحریروں کے ذریعے نمایاں مقام حاصل کیا۔

مرحوم کی نماز جنازہ بعد نماز ظہر جامعہ اشرفیہ میں ادا کی جائے گی، جہاں مختلف شعبہ ہائے زندگی سے تعلق رکھنے والی شخصیات کی شرکت متوقع ہے۔

مرحوم کے انتقال پر صحافتی اور ادبی حلقوں کی جانب سے تعزیت اور افسوس کا اظہار کیا جا رہا ہے۔