سلامتی کونسل کی جانب سے سوات میں دہشت گرد حملے کی مذمت

اقوام متحدہ کی سلامتی کونسل کے اراکین نے 2 اگست کو کبل میں پولیس اسٹیشن کے باہر ہونے والے خودکش حملے کی شدید مذمت کی ہے، جس میں کم از کم 16 پاکستانی شہری جاں بحق اور درجنوں زخمی ہوئے تھے۔ کالعدم تحریک طالبان پاکستان نے اس حملے کی ذمہ داری قبول کی تھی۔ سلامتی کونسل کے ترجمان نے متاثرین کے اہلِ خانہ، حکومتِ پاکستان اور عوام سے دلی تعزیت کا اظہار کیا اور زخمیوں کی جلد صحت یابی کے لیے دعا کی۔ بیان میں اس عزم کا اعادہ کیا گیا کہ دہشت گردی بین الاقوامی امن کے لیے سنگین خطرہ ہے، اور اس کے تمام منصوبہ سازوں اور سہولت کاروں کو قانون کے کٹہرے میں لایا جائے۔ کونسل نے تمام ممالک پر زور دیا کہ وہ اس سلسلے میں پاکستان کے ساتھ بھرپور تعاون کریں۔