اقوام متحدہ کا اسرائیل سمیت تمام فریقین سے لبنان میں بلاامتیاز کارروائیاں روکنے کا مطالبہ

اقوامِ متحدہ نے اسرائیل کی جانب سے لبنان کو غزہ بنانے کی دھمکیوں پر شدید تشویش کا اظہار کرتے ہوئے کہا ہے کہ ایسے بیانات لبنانی آبادی کو غیر انسانی ظاہر کرنے کا خطرہ پیدا کرتے ہیں۔ اقوامِ متحدہ نے واضح کیا کہ اجتماعی سزا اور تشدد کو جائز قرار دینے والی زبان سے فوری طور پر گریز کیا جائے اور تمام فریقین شہریوں اور شہری تنصیبات پر حملے فوری روکیں۔ عالمی ادارے نے اس بات پر بھی زور دیا کہ مسلح تنازع کی صورت میں بھی نسلی امتیاز کے خلاف عالمی قوانین معطل نہیں ہو سکتے، لہٰذا لبنانی شہریوں کو مذہب یا نسل کی بنیاد پر نشانہ بنانے کا سلسلہ بند ہونا چاہیے اور تمام فریقین بلاامتیاز فوجی کارروائیوں کا خاتمہ کریں۔