یوکرین نے ایران کی دھمکیاں مسترد کر دیں، روسی جارحیت میں براہِ راست شمولیت کا الزام

یوکرین نے ایران کی جانب سے دی جانے والی دھمکیوں کو مکمل طور پر بے بنیاد اور ناقابلِ جواز قرار دیتے ہوئے الزام عائد کیا ہے کہ تہران انتظامیہ روسی جارحیت میں براہِ راست شریک ہے۔ یوکرینی وزارتِ خارجہ نے اپنے جاری کردہ بیان میں کہا کہ روس جنگ میں مسلسل ایرانی ساختہ ہتھیار اور ڈرونز استعمال کر رہا ہے، اس لیے ایران کا خود کو مظلوم ظاہر کرنا خود فریب کاری ہے۔ بیان میں مزید کہا گیا کہ بحیرۂ اسود میں روسی حملے عالمی غذائی تحفظ کے لیے سنگین خطرہ بن چکے ہیں، اور ایران ایسے بیانات کے ذریعے روسی مظالم اور اس کے عالمی اثرات سے بین الاقوامی برادری کی توجہ ہٹانے کی ناکام کوشش کر رہا ہے۔ یوکرین نے عالمی برادری پر زور دیا ہے کہ وہ حقائق کا جائزہ لے کر روسی جارحیت میں ایران کے اس کردار کا سخت نوٹس لے