یوکرینی صدر نے فوج کے کمانڈر اِن چیف کو عہدے سے برطرف کر دیا

یوکرین کے صدر ولودیمیر زیلنسکی نے ملک کے چیف آف آرمی سٹاف اولیکسینڈر سرسکی کو ان کے عہدے سے برطرف کرتے ہوئے میخائیلو ڈراپاتی کو نیا ملکی کمانڈر ان چیف مقرر کر دیا ہے۔ اولیکسینڈر سرسکی کی برطرفی کا یہ فیصلہ چند روز قبل وزیر دفاع میخائیلو فیڈوروف کو ہٹائے جانے کے بعد سامنے آیا ہے، جس پر ملک بھر میں عوامی احتجاج بھی دیکھنے میں آیا تھا۔ ذرائع کے مطابق فیڈوروف اور سرسکی کے درمیان شدید اختلافات تھے، جبکہ 60 سالہ سرسکی کو سوویت طرزِ فکر رکھنے والے اور فوجی اصلاحات کے مخالف کمانڈر کے طور پر دیکھا جاتا تھا۔ تاہم، اپنے ایک ویڈیو پیغام میں صدر زیلنسکی نے سرسکی کی خدمات کا اعتراف کرتے ہوئے 2022ء میں کیف کے دفاع میں ان کے اہم کردار کو سراہا۔