برطانیہ کا افغانستان سمیت 4 ممالک پر ویزا پابندیاں عائد کرنے کا اعلان

برطانیہ نے افغانستان سمیت چار ممالک کے شہریوں پر نئی ویزا پابندیاں عائد کرنے کا اعلان کر دیا ہے۔ اس حوالے سے برطانوی وزارت داخلہ نے باضابطہ بیان جاری کیا ہے۔

وزارت داخلہ کے مطابق افغانستان، کیمرون، میانمار اور سوڈان کے طلبا کے لیے ویزوں کا اجرا بند کیا جا رہا ہے۔ حکام کا کہنا ہے کہ پناہ کی درخواستوں میں غیر معمولی اضافے کے باعث پہلی بار ہنگامی بنیادوں پر سخت اقدامات کیے گئے ہیں۔

بیان میں مزید بتایا گیا ہے کہ افغان شہریوں کے ورک ویزے بھی مرحلہ وار ختم کیے جا رہے ہیں۔ برطانوی حکومت کا مؤقف ہے کہ یہ فیصلہ امیگریشن نظام کو منظم کرنے اور پناہ کی درخواستوں میں اضافے پر قابو پانے کے لیے کیا گیا ہے۔