آسان شکار نہیں، عوام کی حفاظت کریں گے، صدر یواے ای کا ایرانی حملوں پرردعمل

متحدہ عرب امارات  کے صدر محمد بن زاید النہیان کاکہناہے کہ قوم حالت جنگ میں ہے، ہم اپنے ملک، عوام اور یہاں مقیم تمام افرادکےلیے اپنا فرض اداکریں گے۔

جنگ کے دوران زخمی ہونے والے افراد کی ابوظبی کے اسپتال میں عیادت کے موقع پر محمد بن زاید النہیان کا کہنا تھا کہ یو اے ای آسان شکار نہیں ہے، ہم مضبوط قوت اور پختہ عزم رکھتے ہیں، دبئی سمیت متحدہ عرب امارات کی ساتوں ریاستوں  میں موجود ہر شخص کی حفاظت کریں گے۔

انہوں نے مسلح افواج، سکیورٹی اداروں اور قومی اداروں کی کوششوں کا شکریہ ادا کیا اور امارات سے محبت کا اظہار کرنے والے شہریوں اور  رہائشیوں کی تعریف بھی کی۔

دوسری جانب اماراتی وزارت داخلہ نے سوشل میڈیا پر جاری بیان میں کہا ہےکہ اماراتی فضائی دفاعی نظام میزائل خطرات کا جواب دے رہے ہیں۔