یو اے ای کا آبنائے ہرمز میں بحری جہازوں کے تحفظ پر تشویش کا اظہار

متحدہ عرب امارات (یو اے ای) نے آبنائے ہرمز میں بحری جہازوں اور تجارتی راہداریوں کے تحفظ پر گہری تشویش کا اظہار کیا ہے۔ اماراتی وزارت خارجہ کی جانب سے جاری کردہ ایک بیان میں ایران کی طرف سے اماراتی آئل ٹینکر پر کیے گئے حالیہ میزائل حملے کی شدید الفاظ میں مذمت کی گئی ہے۔ حکام کے مطابق اس واقعے میں خوش قسمتی سے کوئی جانی نقصان نہیں ہوا، تاہم تجارتی جہازوں کو نشانہ بنانا بین الاقوامی بحری قوانین اور سیکیورٹی کی سنگین خلاف ورزی ہے۔

اماراتی وزارت خارجہ کے بیان میں انکشاف کیا گیا ہے کہ خطے میں جنگ کا آغاز ہونے کے بعد سے اب تک اماراتی کمپنیوں کے مجموعی طور پر 15 بحری جہاز حملوں کا نشانہ بن چکے ہیں، جبکہ صرف گزشتہ ایک ہفتے کے دوران اماراتی جہازوں پر 3 مختلف حملے کیے گئے ہیں۔ متحدہ عرب امارات نے آبنائے ہرمز جیسے اہم بحری راستے میں تجارتی جہاز رانی کے تحفظ کو یقینی بنانے کے لیے بین الاقوامی اقدامات پر زور دیا ہے