متحدہ عرب امارات کا کشیدگی میں فوری کمی اور مذاکرات کی بحالی کا مطالبہ

متحدہ عرب امارات نے مشرقِ وسطیٰ میں بڑھتی ہوئی کشیدگی پر گہری تشویش کا اظہار کرتے ہوئے تمام فریقین سے فوری طور پر کشیدگی میں کمی اور مذاکرات کی بحالی کا مطالبہ کیا ہے۔ اماراتی وزارتِ خارجہ کی جانب سے جاری کردہ ایک سرکاری بیان میں واضح کیا گیا ہے کہ سویلین اور شہری بنیادی ڈھانچے کو نشانہ بنانے والا کوئی بھی حملہ بین الاقوامی قوانین کی کھلی خلاف ورزی ہے، جسے کسی بھی صورت میں قبول یا جائز قرار نہیں دیا جا سکتا۔ اماراتی حکام نے عالمی معیشت اور تجارت کے تحفظ کے لیے آبنائے ہرمز کے ذریعے بحری جہازوں کی محفوظ اور بلا تعطل آمد و رفت کو یقینی بنانے کی اہمیت پر بھی خاص زور دیا۔ یو اے ای نے تمام متعلقہ فریقین پر زور دیا کہ وہ انتہائی تحمل کا مظاہرہ کریں اور ایسے کسی بھی اقدام سے گریز کریں جو خطے کو مزید عدم استحکام اور بحران کی طرف دھکیل سکے