چین کے 2 بحری جہاز آبنائے ہرمز کے ایرانی علاقے میں داخل ہو گئے

امریکی ناکہ بندی کے باوجود چین کے دو بحری جہاز آبنائے ہرمز کے ایرانی حصے میں داخل ہو گئے ہیں۔ سمندری نقل و حرکت کی نگرانی کرنے والی شپنگ ڈیٹا کمپنی کے مطابق چینی پرچم بردار ایک آئل ٹینکر اور ایک دیگر تجارتی جہاز ایرانی راستے سے گزرے ہیں۔ ان میں سے ایک جہاز متحدہ عرب امارات کی بندرگاہ سے روانہ ہو کر اس راستے میں داخل ہوا، جبکہ چینی پرچم بردار آئل ٹینکر کو بھی اسی آبی گزرگاہ میں دیکھا گیا ہے۔ اگرچہ گزشتہ ہفتے رپورٹس سامنے آئی تھیں کہ چین کی دو سرکاری کمپنیوں نے اپنے آئل ٹینکرز کو آبنائے ہرمز اور باب المندب سے گزرنے سے روک دیا ہے، تاہم تاز ترین اعداد و شمار سے معلوم ہوتا ہے کہ اس اہم اور حساس بحری راستے پر چین کی تجارتی و سمندری سرگرمیاں اب بھی جاری ہیں۔