ترکیہ، پاکستان اور سعودی عرب کا دفاعی معاہدہ نیٹو آرٹیکل 5 جیسا ہے، حاقان فیدان

ترک وزیر خارجہ حاقان فیدان نے بیان دیتے ہوئے کہا ہے کہ ترکیہ، پاکستان اور سعودی عرب کے درمیان طے پانے والا سہ فریقہ دفاعی معاہدہ ‘نیٹو آرٹیکل 5’ کی طرز پر قائم کیا گیا ہے، تاہم یہ اتحاد کسی مخصوص ملک کے خلاف نہیں ہے۔ انہوں نے وضاحت کی کہ اس معاہدے کے تحت کسی بھی اتحادی ملک پر حملے کی صورت میں تمام فریقین باہمی مشاورت کے ذریعے مدد کا طریقہ کار طے کریں گے۔ حاقان فیدان نے انکشاف کیا کہ اس تاریخی دفاعی معاہدے کو حتمی شکل دینے کے لیے 2 سال 8 ماہ سے مسلسل کوششیں جاری تھیں، اور اب اس اتحاد کا مستقل جنرل سیکریٹریٹ سعودی عرب میں قائم کیا جائے گا۔

ترک وزیر خارجہ کے مطابق، صدر رجب طیب اردوان اس دفاعی اتحاد کو مزید وسعت دینے کے خواش مند ہیں، اور مصر بھی مستقبل میں اس اتحاد کا حصہ بن سکتا ہے۔ انہوں نے مزید بتایا کہ اس نئے دفاعی اتحاد کے امور کو مؤثر طریقے سے چلانے کے لیے