ترکیہ نے اسرائیلی وزیراعظم کو دنیا کی سلامتی کیلئے خطرہ قرار دیدیا

ترکی کے وزیر خارجہ حاقان فیدان نے اسرائیلی وزیراعظم بنیامین نیتن یاہو کو دنیا کی سلامتی کے لیے سنگین خطرہ قرار دیتے ہوئے کہا ہے کہ غزہ میں جاری نسل کشی کے بعد وہ انسانیت کے دشمن بن چکے ہیں۔ انہوں نے بین الاقوامی برادری سے فوری اور ہنگامی اقدامات کرنے کا مطالبہ کرتے ہوئے کہا کہ عالمی نظام کو ‘نیتن یاہو کے خطرے’ کا مقابلہ کرنا ہوگا۔ حاقان فیدان نے خطے میں بڑھتی ہوئی کشیدگی پر تشویش کا اظہار کرتے ہوئے واضح کیا کہ تنازع میں شامل فریقین تباہ کن جنگ کو طول دینے کے لیے مخصوص طریقے اپنا رہے ہیں، اور اگر اسے نہ روکا گیا تو یہ عمل پورے خطے کو تباہی کی طرف دھکیل دے گا۔