ایران مذاکرات کیلئے سنجیدہ ہے لیکن ڈیل کرنے کیلئے تیار نہیں، ڈونلڈ ٹرمپ

امریکی صدر ڈونلڈ ٹرمپ نے کہا ہے کہ ایران مذاکرات کے لیے سنجیدہ ہو رہا ہے لیکن فی الحال ڈیل کرنے کے لیے تیار نہیں ہے۔ اوول آفس میں میڈیا سے گفتگو کرتے ہوئے انہوں نے بتایا کہ انہوں نے ابھی ایران پر بڑے پیمانے پر حملے کرنے یا نہ کرنے کا حتمی فیصلہ نہیں کیا۔ امریکی صدر کا کہنا تھا کہ ایران کے معاملے پر ان کے پاس دو ہی راستے ہیں: حملے جاری رکھنا یا کسی معاہدے تک پہنچنا۔ انہوں نے مزید کہا کہ اگر سعودی عرب ابراہم اکارڈ کا حصہ نہیں بنتا تو کوئی جوہری معاہدہ نہیں کیا جائے گا۔ ٹرمپ نے یہ دعویٰ بھی کیا کہ چینی صدر شی جن پنگ اور روسی صدر ولادیمیر پیوٹن نے انہیں یقین دہانی کرائی ہے کہ وہ ایران کو ہتھیار فراہم نہیں کریں گے۔