ٹرمپ کی دھمکی پرانی فلم، ہم کئی بار دیکھ چکے ہیں: عباس عراقچی

ایرانی وزیر خارجہ عباس عراقچی نے میڈیا سے گفتگو کرتے ہوئے ڈونلڈ ٹرمپ کی جانب سے دی جانے والی معاشی دھمکیوں کو ‘پرانی امریکی غنڈہ گردی’ قرار دیا ہے۔ انہوں نے سخت ردِعمل کا اظہار کرتے ہوئے کہا کہ امریکی دھمکیاں ایک پرانی فلم کی مانند ہیں جسے تہران پہلے بھی کئی بار دیکھ چکا ہے، لہٰذا ایران ایسی پابندیوں اور دھمکیوں سے ہرگز خوفزدہ نہیں ہوگا۔ ایرانی وزیر خارجہ نے مزید کہا کہ تہران امریکی دباؤ کا مقابلہ کرنا اچھی طرح جانتا ہے اور واشنگٹن کی جانب سے ایران کو معاشی طور پر زیر کرنے کی تمام ماضی اور موجودہ چالیں مکمل طور پر ناکام ہو چکی ہیں۔