چین اور روس نے ایران کو ہتھیار نہ دینے کی یقین دہانی کرا دی: ٹرمپ کا دعویٰ

امریکی صدر ڈونلڈ ٹرمپ نے دعویٰ کیا ہے کہ چین کے صدر شی جن پنگ اور روسی صدر ولادیمیر پیوٹن نے انہیں ایران کو کسی بھی قسم کا اسلحہ اور ہتھیار فراہم نہ کرنے کی یقین دہانی کرائی ہے۔ سماجی رابطے کی ویب سائٹ پر جاری بیان میں ٹرمپ کا کہنا تھا کہ ایران کو ہتھیار دینا دونوں ممالک کے اپنے مفاد میں نہیں ہوگا، جبکہ چینی کمپنیاں بھی ایران کو اسلحہ فروخت نہیں کر رہیں۔ ڈونلڈ ٹرمپ نے مزید واضح کیا کہ امریکہ براہِ راست یوکرین کو ہتھیار فروخت کرنے کے بجائے تمام تر اسلحہ نیٹو (NATO) ممالک کو فراہم کرتا ہے جو اس کی مکمل قیمت ادا کرتے ہیں، تاہم اس کے بعد اسلحے کی آگے تقسیم کے عمل سے ان کا کوئی تعلق نہیں ہے۔