ٹرمپ انتظامیہ نے جنگ کیلئے کانگریس سے مزید 87 ارب ڈالر مانگ لئے

ایران کے ساتھ جاری فوجی کشیدگی کے باعث امریکی دفاعی اخراجات میں غیرمعمولی اضافے کے بعد ٹرمپ انتظامیہ نے کانگریس سے 87 ارب ڈالر کے اضافی فنڈز کی درخواست کر دی ہے۔ امریکی وزیرِ دفاع پیٹ ہیگسیتھ نے سینیٹ کی بجٹ کمیٹی کو بتایا کہ 30 ستمبر تک ایران کے خلاف آپریشنز پر 37.5 ارب ڈالر خرچ ہو جائیں گے، اس لیے سکیورٹی چیلنجز سے نمٹنے اور فوجی استعداد بڑھانے کے لیے فوری فنڈنگ ضروری ہے۔ بریفنگ کے دوران سینیٹ ہال میں مظاہرین اور سابق فوجیوں نے شدید احتجاج کیا اور “ایران اور فلسطین پر بمباری بند کرو” کے نعرے لگائے، جس کے بعد پولیس نے کارروائی کرتے ہوئے مظاہرین کو ہال سے باہر نکال دیا۔