موٹروے ایم 5 اچ شریف کے قریب ٹریفک حادثہ،3 افسران شہید

موٹروے M-5 پر اُچ شریف کے قریب ایک افسوسناک حادثہ پیش آیا ہے جس میں موٹروے پولیس کی پیٹرولنگ موبائل کو پیش آنے والے حادثے کے نتیجے میں 3 افسران شہید ہوگئے۔
ترجمان موٹروے پولیس کے مطابق بس کی ٹکر سےسب انسپکٹر محمد مشتاق، اسسٹنٹ سب انسپکٹر ناصر عباس اورکانسٹیبل اسامہ موقع پر ہی شہید ہوگئے۔ ترجمان کے مطابق بس نے پیٹرولنگ موبائل کو پیچھے سے ٹکر ماری جس کے نتیجے میں یہ المناک واقعہ پیش آیا۔حادثے کی اطلاع ملتے ہی سیکٹر کمانڈر، ڈی ایس پی اور ریسکیو ٹیمیں فوری طور پر موقع پر پہنچ گئیں، جہاں امدادی سرگرمیاں کی گئیں ترجمان موٹروے پولیس نے حادثے پر گہرے دکھ کا اظہار کیا ہے اور کہا ہے کہ تمام تر قانونی کارروائیاں مکمل کی جائیں گی