وفاقی حکومت تیراہ آپریشن کا ملبہ صوبائی حکومت پر ڈالنے کی ناکام کوشش کر رہی ہے، معاون خصوصی کے پی شفیع جان

خیبرپختونخوا کے وزیراعلیٰ سہیل افریدی کے معاون خصوصی برائے اطلاعات شفیع جان نے کہا ہے کہ وفاقی حکومت آپریشن کا ملبہ صوبائی حکومت پر ڈالنے کی ناکام کوشش کر رہی ہے۔ شفیع جان نے وفاقی حکومت کے وادی تیراہ سے لوگوں کے انخلا سے متعلق بیان کو بے بنیاد قرار دیا اور کہا کہ پوری قوم جان چکی ہے کہ نقل مکانی صرف آپریشن کی وجہ سے ہوئی۔ خواجہ آصف اور طلال چوہدری کی قومی اسمبلی میں تقاریر ریکارڈ پر موجود ہیں۔

انہوں نے مزید کہا کہ وزیراعلیٰ کے پی نے تیراہ آپریشن کے حوالے سے اپنا موقف واضح کر دیا ہے اور صوبائی اسمبلی کے جرگہ امن میں تمام سیاسی جماعتوں نے آپریشن کی مخالفت کی تھی۔ شفیع جان نے کہا کہ صوبائی حکومت نے متاثرین کو ریلیف دینے کے لیے بروقت فنڈز جاری کیے، جبکہ وفاقی حکومت کا 4 ارب روپے کے اجرا پر بیان انتہائی مضحکہ خیز ہے۔