امریکہ کی 250ویں سالگرہ، نیویارک کے ٹائمز اسکوائر پر 8 مرتبہ ‘بال ڈراپ’ کا تاریخی جشن، شیڈول جاری

ریاستہائے متحدہ امریکہ (USA) کے 250ویں یومِ آزادی (America 250) کے تاریخی موقع پر نیویارک سٹی کے مشہورِ زمانہ ٹائمز اسکوائر پر روایتی ‘بال ڈراپ’ (Ball Drop) کا ایک منفرد جشن شروع ہو رہا ہے، جہاں 24 گھنٹوں کے دوران ایک یا دو بار نہیں بلکہ ریکارڈ 8 مرتبہ کرسٹل بال کو نیچے گرایا جائے گا۔

رپورٹ کے مطابق  خصوصی تقریب امریکہ کی ڈھائی سو سالہ تاریخ کو یادگار بنانے کے لیے منعقد کی جا رہی ہے۔ عام طور پر یہ دنیا بھر میں مشہور بال ڈراپ سال میں صرف ایک بار نئے سال (New Year’s Eve) کے استقبال کے لیے کیا جاتا ہے، تاہم تاریخ میں یہ پہلا موقع ہے جب اسے اس انداز میں دہرایا جا رہا ہے۔

ٹائمز اسکوائر پر 8 مرتبہ بال ڈراپ کرنے کا مقصد امریکہ کے تمام 8 مختلف ٹائم زونز (Time Zones) کو شاملِ جشن کرنا ہے۔ جیسے ہی امریکہ کے کسی بھی مخصوص ٹائم زون میں آدھی رات (رات کے 12 بجے) کا وقت ہوگا، نیویارک کے ٹائمز اسکوائر پر موجود جادوئی بال کو نیچے گرا کر اس خطے کے لیے سالگرہ کا اعلان کیا جائے گا۔ نئے سال کے جشن کے برعکس، یہ جولائی کا بال ڈراپ عام عوام (Public) کے لیے کھلا ایونٹ نہیں ہے، یعنی سیکیورٹی اور انتظامات کے پیشِ نظر ٹائمز اسکوائر پر پبلک ہجوم کو جمع ہونے کی اجازت نہیں ہوگی۔

‘بال ڈراپ’ کا  سلسلہ جمعہ کی صبح  سے باقاعدہ شروع ہوگا اور اگلے 24 گھنٹوں کے دوران مختلف ٹائم زونز کے مطابق رات کے 12 بجتے ہی بال کو ڈراپ کیا جائے گا۔