ٹیسلا نے بچوں کیلئے نئی بیلنس بائیک متعارف کرا دی

الیکٹرک گاڑیاں بنانے والی دنیا کی معروف کمپنی ‘ٹیسلا’ نے 2 سے 5 سال کے بچوں کے لیے ایک نئی ‘بیلنس بائیک’ متعارف کرائی ہے، جس کی قیمت 225 امریکی ڈالر مقرر کی گئی ہے۔ بغیر پیڈل، موٹر اور بریک کے تیار کی گئی اس خاص بائیک کو بچے اپنے پیروں کی مدد سے چلاتے ہیں، جبکہ اس میں ہلکا میگنیشیم فریم، جدید ڈیزائن اور 5 مختلف سطحوں پر ایڈجسٹ ہونے والی نشست دی گئی ہے۔ مارکیٹ میں عام بیلنس بائیکس کی اوسط قیمت 100 ڈالر ہونے کے باوجود، ٹیسلا کی یہ بائیک لانچ ہوتے ہی آؤٹ آف اسٹاک ہو گئی ہے۔ کمپنی کے مطابق بائیک کی نئی کھیپ کے لیے 31 جولائی سے پری آرڈرز کا آغاز کیا جائے گا۔ واضح رہے کہ ٹیسلا اس سے قبل بچوں کے لیے ‘سائبر کواڈ ATV’ بھی پیش کر چکا ہے، جسے بعد میں حفاظتی خدشات کی بنا پر روک دیا گیا تھا