ٹیلر سوِفٹ اور ٹریوس کیلس نے خاموشی سے شادی کر لی، امریکی میڈیا کا دعویٰ

عالمی شہرت یافتہ امریکی گلوکارہ ٹیلر سوِفٹ اور این ایف ایل (NFL) کے اسٹار کھلاڑی ٹریوس کیلس مبینہ طور پر ایک نجی تقریب کے دوران رشتہ ازدواج میں منسلک ہو گئے ہیں۔

امریکی اخبار ‘نیویارک پوسٹ’ کے پیج سکس (Page Six) نے متعدد نامعلوم ذرائع کا حوالہ دیتے ہوئے رپورٹ کیا ہے کہ اس جوڑے نے نیویارک کے میڈیسن اسکوائر گارڈن میں طے شدہ ایک بڑی تقریب سے قبل ہی انتہائی نجی اور خفیہ طریقے سے شادی کر لی ہے۔

خبر رساں ادارے کے مطابق، ٹیلر سوِفٹ کے نمائندے سے جب اس حوالے سے موقف جاننے کے لیے رابطہ کیا گیا تو انہوں نے فوری طور پر کوئی ردعمل یا تبصرہ نہیں کیا۔ واضح رہے کہ ستمبر 2024ء میں یو ایس اوپن کے دوران پہلی بار عوامی سطح پر ایک ساتھ نظر آنے والے اس ہائی پروفائل جوڑے کی شادی کی خبروں نے انٹرٹینمنٹ اور اسپورٹس کی دنیا میں دھوم مچا دی ہے۔