ٹی 20 ورلڈ کپ: قومی کرکٹ ٹیم اگلے دو میچز کھیلنے کیلئے کولمبو سے کینڈی پہنچ گئی

آئی سی سی مینز ٹی ٹوئنٹی ورلڈ کپ 2026ء کے سپر ایٹ مرحلے میں شرکت کے لیے قومی کرکٹ ٹیم کولمبو سے کینڈی پہنچ گئی ہے۔ قومی کھلاڑی آج پالی کیلے انٹرنیشنل کرکٹ سٹیڈیم میں بھرپور پریکٹس سیشن کریں گے تاکہ اگلے اہم میچز کے لیے اپنی تیاریوں کو حتمی شکل دے سکیں۔

سپر ایٹ مرحلے کے گروپ 2 میں شامل پاکستان اپنا دوسرا میچ کل 24 فروری کو دفاعی چیمپئن انگلینڈ کے خلاف کھیلے گا، جبکہ تیسرے اور آخری گروپ میچ میں 28 فروری کو میزبان سری لنکا کے مدمقابل آئے گا۔

یاد رہے کہ سپر ایٹ مرحلے کا پہلا میچ، جو نیوزی لینڈ کے خلاف کولمبو میں کھیلا جانا تھا، مسلسل بارش کے باعث بغیر کوئی گیند پھینکے ختم کر دیا گیا تھا۔ ٹاس کے فوری بعد ہونے والی بارش کی وجہ سے دونوں ٹیموں کو ایک ایک پوائنٹ دے دیا گیا، جس کے بعد اب پاکستان کے لیے سیمی فائنل کی دوڑ میں شامل رہنے کے لیے اگلے دونوں میچز انتہائی اہمیت اختیار کر گئے ہیں۔