ٹی ٹوئنٹی ورلڈ کپ؛ سپر ایٹ مرحلے کا آج سے آغاز، پاکستان اور نیوزی لینڈ کولمبو میں مدمقابل

ٹی ٹوئنٹی ورلڈ کپ کے سپر ایٹ مرحلے کا آغاز آج پاکستان کے میچ سے ہوگا،،پہلے میچ میں پاکستان اور نیوزی لینڈ کی ٹیمیں مدمقابل آئیں گی۔پاکستان اور نیوزی لینڈ کے درمیان مقابلہ شام ساڑھے چھ بجے کولمبو میں ہوگا،،کیویز کی ٹیم کا کولمبو میں پریما داسا اسٹیڈیم میں پریکٹس سیشن ہوا،بارش کے باعث نیوزی لینڈ کی ٹیم کو مقررہ وقت سے آدھا گھنٹہ پہلے ٹریننگ ختم کرنا پڑی۔شدید بارش اور گیلی آؤٹ فیلڈ کی وجہ سے قومی کرکٹ ٹیم کا پریکٹس سیشن منسوخ ہو گیا،قومی کرکٹ ٹیم نے نیوزی لینڈ کیخلاف میچ کی تیاری کیلئے پریما داسا اسٹیڈیم میں تین گھنٹے ٹریننگ کرنا تھی۔ پاکستان اور نیوزی لینڈ کے درمیان میچ میں آج بھی بارش کی پیش گوئی کی گئی ہے،،قومی ٹیم گروپ اے میں چھ پوائنٹس کے ساتھ دوسرے نمبر پر رہی، جبکہ نیوزی لینڈ نے گروپ ڈی میں دوسری پوزیشن حاصل کی۔ سپر ایٹ مرحلے میں دونوں گروپس کی چار، چار ٹیمیں ایک دوسرے کے خلاف ایک،ایک میچ کھیلیں گی۔سپرایٹ کے اختتام پر ہر گروپ کی دو بہترین ٹیمیں سیمی فائنل کے لیے کوالیفائی کریں گی۔۔۔