ٹی ٹوئنٹی ورلڈ کپ 2026: پاکستان کے 15 رکنی اسکواڈ کا اعلان، سلمان علی آغا قیادت کریں گے

پاکستان کرکٹ بورڈ نے ٹی ٹوئنٹی ورلڈ کپ 2026 کے لیے قومی ٹیم کے 15 رکنی اسکواڈ کا اعلان کر دیا ہے، جس کی قیادت سلمان علی آغا کریں گے۔

اسکواڈ میں تجربہ کار اور نوجوان کھلاڑیوں کا امتزاج شامل کیا گیا ہے جن میں بابر اعظم، فخر زمان، شاہین شاہ آفریدی، شاداب خان، نسیم شاہ، صائم ایوب اور محمد نواز شامل ہیں، جبکہ فہیم اشرف، خواجہ محمد نافع، صاحبزادہ فرحان، عثمان خان، عثمان طارق، ابرار احمد اور محمد سلمان مرزا بھی ٹیم کا حصہ ہیں۔

پاکستان 7 فروری کو نیدرلینڈز کے خلاف اپنے ورلڈ کپ سفر کا آغاز کرے گا۔
ٹی ٹوئنٹی ورلڈ کپ کے مقابلے 7 فروری سے 8 مارچ تک شیڈول ہیں۔

ورلڈ کپ کی تیاریوں کے سلسلے میں پاکستان ٹیم آسٹریلیا کے خلاف تین میچوں کی ٹی ٹوئنٹی سیریز کھیلے گی۔