دمشق کے جنوب میں اسرائیلی ڈرون حملہ، شامی حکومت کی شدید مذمت

شام کے دارالحکومت دمشق کے جنوب میں واقع علاقے پر اسرائیلی ڈرون حملے کے نتیجے میں ایک شخص شدید زخمی ہو گیا ہے۔ شامی وزارتِ خارجہ نے اس حملے کی شدید الفاظ میں مذمت کرتے ہوئے اسے شام کی خودمختاری، علاقائی سالمیت اور بین الاقوامی قوانین کی کھلی خلاف ورزی قرار دیا ہے۔ ترجمان کے مطابق یہ حملہ اسرائیل کے زیرِ قبضہ گولان کی پہاڑیوں کے قریب پیش آیا۔ شام نے عالمی برادری سے نوٹس لینے اور اسرائیل سے ایسی یکطرفہ عسکری کارروائیاں فوری طور پر روکنے کا مطالبہ کرتے ہوئے خبردار کیا ہے کہ شامی سرزمین پر جاری اسرائیلی فوجی اقدامات خطے میں کشیدگی اور ناامنی کو مزید ہوا دے سکتے ہیں۔