صدر سپریم کورٹ بار کا نیا بیان: نئے صوبوں کے قیام کی بھرپور حمایت

جسٹس مسرت ہلالی کے اعزاز میں منعقدہ فل کورٹ ریفرنس کے موقع پر صدر سپریم کورٹ بار ایسوسی ایشن نے ملک میں نئے صوبوں کے قیام اور اعلیٰ عدلیہ میں ججز کی تقرریوں سے متعلق اہم اور بڑا اعلان کیا ہے۔

صدر سپریم کورٹ بار نے تقریب سے خطاب کرتے ہوئے کہا کہ سپریم کورٹ بار آئین و قانون کے مطابق ملک میں نئے صوبوں کی تشکیل کی توثیق اور بھرپور حمایت کرتی ہے۔ انہوں نے زور دیا کہ نئے صوبوں کا قیام بہتر گورننس، معاشی ترقی اور سیاسی استحکام کا باعث بنے گا۔ انہوں نے تمام سیاسی جماعتوں پر زور دیا کہ وہ قومی و معاشی مفاد میں ایک مشترکہ ایجنڈے پر متفق ہوں۔ اس کے علاوہ، انہوں نے صدرِ مملکت سے اپیل کی کہ عدالتی امور کو سست روی سے بچانے کے لیے ججز کی تقرریوں کی منظوری میں مزید تاخیر نہ کی جائے اور تمام حل طلب سیاسی و آئینی معاملات پر بامعنی اور سنجیدہ مذاکرات کا آغاز کیا جائے