LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری سالک حسین کا مریم نواز کو قانونی جواب، 2 نوٹس بھی بھجوا دیے ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی

بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے

Web Desk

16 November 2026

وفاقی وزیر برائے پارلیمانی امور ڈاکٹر طارق فضل چوہدری نے کہا ہے کہ بانی پاکستان تحریک انصاف (پی ٹی آئی) کی جانب سے جیل سے چیف جسٹس صاحبان کو لکھا گیا کھلا خط حقائق کے منافی اور دراصل این آر او کی درخواست ہے، کیونکہ دوسروں کو این آر او کا طعنہ دینے والے آج خود اس کے طلبگار ہیں جبکہ انہیں ریلیف صرف عدالتوں سے ہی مل سکتا ہے۔ پارلیمنٹ چیمبر میں میڈیا سے گفتگو کرتے ہوئے وفاقی وزیر نے کہا کہ بانی پی ٹی آئی کسی سیاسی انتقام کے باعث نہیں بلکہ 190 ملین پاؤنڈ کرپشن کیس میں واضح اور ٹھوس شواہد کی بنیاد پر سزا یافتہ ہونے کے بعد قید ہیں، جس میں قومی خزانے میں آنے والی رقم ملک ریاض کے اکاؤنٹ میں منتقل کی گئی اور اس کے بدلے ساڑھے چار سو کنال زمین تحفے میں لی گئی۔ ڈاکٹر طارق فضل چوہدری نے خط میں طبی سہولتوں کی عدم فراہمی، 22 گھنٹے قیدِ تنہائی، کتابوں اور ٹیلی ویژن کی عدم دستیابی سے متعلق دعوؤں کو بے بنیاد قرار دیتے ہوئے کہا کہ بانی پی ٹی آئی اس وقت ملک کے سب سے زیادہ سہولت یافتہ قیدی ہیں جنہیں جیل میں تمام سہولیات اور پسند کا کھانا فراہم کیا جاتا ہے، جبکہ ہفتہ وار بنیادوں پر طبی ماہرین ان کا معائنہ کرتے ہیں اور انہیں آٹھ مرتبہ پمز ہسپتال لے جانے سمیت بلڈ پریشر کے معائنے کے لیے لندن سے بھی ڈاکٹر بلوایا گیا جنہوں نے ان کی صحت اور بلڈ پریشر کو تسلی بخش قرار دیا ہے۔ انہوں نے مزید کہا کہ بانی پی ٹی آئی کی صحت اور جیل میں دیکھ بھال حکومت کی ذمہ داری ہے جس میں نہ پہلے کوئی غفلت برتی گئی اور نہ آئندہ برتی جائے گی۔