LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز معاشی ترقی کی باگ ڈور نجی شعبے کو دینا ہوگی: مشیر نجکاری محمد علی کراچی: لانڈھی میں گھر کے اندر فائرنگ، خاتون سمیت 3 افراد جاں بحق پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں سعودیہ نے ریاض کے بلند ترین ٹاور متاثر ہونے کی تصدیق کردی سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل

سپر ٹیکس برقرار ، وفاقی آئینی عدالت کے فیصلے پر ایف بی آر کا خیرمقدم

Web Desk

27 January 2026

وفاقی آئینی عدالت نے سپر ٹیکس کے حق میں تاریخی فیصلہ سناتے ہوئے انکم ٹیکس آرڈیننس کی شق 4B اور 4C کو آئینی قرار دے دیا ہے۔
فیڈرل بورڈ آف ریونیو (ایف بی آر) کے مطابق عدالت کے فیصلے سے سپر ٹیکس قانونی طور پر برقرار رہے گا جس سے قومی خزانے کو 300 ارب روپے سے زائد آمدن متوقع ہے۔

ایف بی آر کے اعلامیے میں کہا گیا ہے کہ عدالت نے شق 4B کے خلاف دائر ٹیکس دہندگان کی اپیلیں مسترد کرتے ہوئے ادارے کا مؤقف تسلیم کر لیا ہے۔
عدالتی فیصلے کی روشنی میں شق 4C کے تحت سپر ٹیکس کا اطلاق ٹیکس ایئر 2022 پر بھی ہوگا۔

ایف بی آر کے مطابق ٹیکس ایئر 2022 میں 15 مختلف شعبوں پر 10 فیصد سپر ٹیکس عائد کیا جائے گا، تاہم یہ ٹیکس صرف اُن اداروں پر لاگو ہوگا جن کی آمدن 30 کروڑ روپے سے زائد ہے۔
آئل ایکسپلوریشن اور پیٹرولیم کمپنیوں کے لیے نئے نوٹس جاری کرنے کی ہدایت بھی دی گئی ہے، جبکہ پیٹرولیم کمپنیوں پر سپر ٹیکس معاہدوں میں طے شدہ حدود کے اندر نافذ ہوگا۔

ایف بی آر کا کہنا ہے کہ بینکنگ کمپنیوں پر سپر ٹیکس ٹیکس ایئر 2023 سے نافذ العمل ہوگا۔
اعلامیے میں کیس کی مؤثر پیروی پر ایف بی آر کی جانب سے ایڈیشنل اٹارنی جنرل اسما حمید کی خدمات کو سراہا گیا ہے۔