سوئی گیس کا عید الاضحیٰ کے لیے نیا شیڈول جاری، صارفین کو سہولت دینے کا اعلان

سوئی سدرن گیس کمپنی نے عید الاضحیٰ کے موقع پر گھریلو اور تجارتی صارفین کے لیے گیس فراہمی کا خصوصی شیڈول جاری کر دیا ہے تاکہ شہریوں کو زیادہ سے زیادہ ریلیف فراہم کیا جا سکے۔

ترجمان کے مطابق منگل 26 مئی (چاند رات) کو گیس کی سپلائی رات 12 بجے تک مسلسل جاری رہے گی۔

اعلامیے میں بتایا گیا ہے کہ عید کے پہلے دن سے تیسرے دن تک گیس کی فراہمی صبح ساڑھے 7 بجے سے رات 12 بجے تک بحال رہے گی۔

شیڈول کے مطابق عید کے پہلے اور دوسرے دن رات 12 بجے سے صبح ساڑھے 7 بجے تک گیس کی سپلائی معطل رہے گی جبکہ تیسرے دن رات 10 بجے سے صبح ساڑھے 7 بجے تک گیس بند رہے گی۔

ترجمان نے مزید کہا کہ ہفتہ 30 مئی سے گیس کی ترسیل کا پرانا شیڈول دوبارہ بحال کر دیا جائے گا۔