کندھ کوٹ میں ٹرک کی موٹر سائیکل کو ٹکرسے دو نوجوان جاں بحق، ایک زخمی

اندرونِ سندھ کے علاقے کندھ کوٹ میں انڈس ہائی وے پر سبزی منڈی کے قریب تیز رفتار ٹرک اور موٹر سائیکل میں خوفناک تصادم کے نتیجے میں 2 نوجوان موقع پر ہی جاں بحق جبکہ 1 شخص شدید زخمی ہو گیا۔ ریسکیو ذرائع کے مطابق مخالف سمت سے آنے والے ٹرک نے موٹر سائیکل کو زور دار ٹکر ماری، جس سے محمد عالم چنہ اور غلام حسین چنہ نامی نوجوان دم توڑ گئے۔ اطلاع ملتے ہی پولیس نے موقع پر پہنچ کر لاشوں اور زخمی کو فوری طور پر ہسپتال منتقل کیا اور قانونی کارروائی کا آغاز کر دیا۔ افسوسناک حادثے کے بعد علاقے میں غم و سوگ کی فضا پھیل گئی ہے۔