ائیل ٹینکروں پر حملہ: امریکا نے آبنائے ہرمز میں بحری آمدورفت انتہائی خطرناک قرار دیدی

آبنائے ہرمز میں تین تجارتی ٹینکروں پر پے در پے حملوں کے بعد خطے میں بحری آمد و رفت کے لیے خطرے کی سطح کو بڑھا کر ‘انتہائی سنگین’ کر دیا گیا ہے۔

امریکی بحریہ کی قیادت میں قائم جوائنٹ میری ٹائم انفارمیشن سینٹر (JMIC) نے آبنائے ہرمز سے گزرنے والے تمام بحری جہازوں کے لیے خطرے کا الرٹ ‘نمایاں’ (Substantial) سے تبدیل کر کے ‘انتہائی سنگین’ (Critical) کر دیا ہے۔

جوائنٹ میری ٹائم انفارمیشن سینٹر نے اپنے حالیہ بیان میں کہا ہے کہ حال ہی میں پیش آنے والے تصدیق شدہ واقعات یہ ظاہر کرتے ہیں کہ خطے میں سیکیورٹی کی صورتحال بدستور کشیدہ اور خطرات سے بھرپور ہے، اس لیے تمام تجارتی جہازوں کو انتہائی احتیاط برتنے کی ضرورت ہے۔

بیان میں مزید واضح کیا گیا کہ 15 جون کے بعد یہ پہلا موقع ہے کہ آبنائے ہرمز کے لیے خطرے کی سطح کو اس قدر بلند کیا گیا ہے۔ سینٹر نے خطے سے گزرنے والے بحری جہازوں کو باضابطہ طور پر خبردار کیا ہے کہ وہ ان راستوں پر مسلسل بحری نگرانی، نیول فورسز کی بھاری موجودگی اور آمد و رفت کے دوران ممکنہ رش یا تاخیر کا سامنا کرنے کے لیے ذہنی طور پر تیار رہیں۔