سری لنکا نے امریکی جنگی طیاروں کو اڈہ دینے سے انکار کردیا

سری لنکا نے امریکی جنگی طیاروں کو اپنے اڈے فراہم کرنے کی درخواست مسترد کر دی ہے۔

سری لنکا کے صدر انورا کمارا ڈسانائیکے نے پارلیمنٹ میں بتایا کہ امریکا نے مارچ کے آغاز میں دو جنگی طیارے مٹالا انٹرنیشنل ایئرپورٹ پر تعینات کرنے کی درخواست کی تھی، تاہم حکومت نے اس پر واضح طور پر انکار کر دیا۔صدر کے مطابق امریکی طیاروں پر اینٹی شپ میزائل نصب تھے اور انہیں جبوتی کے اڈے سے سری لنکا منتقل کرنے کا منصوبہ تھا، جسے مسترد کر دیا گیا۔

یاد رہے کہ اس سے قبل بھی امریکا کے متعدد اتحادی ممالک ایران کے خلاف جنگ میں براہ راست شامل ہونے سے انکار کر چکے ہیں، جبکہ امریکی صدر ڈونلڈ ٹرمپ اس پر شکوہ بھی کر چکے ہیں۔