کور کمانڈر بلوچستان کی یونیورسٹی آف بلوچستان کے طلباء و اساتذہ سے خصوصی نشست

کور کمانڈر بلوچستان نے یونیورسٹی آف بلوچستان کے طلباء اور اساتذہ کے ساتھ خصوصی نشست کی جس میں صوبے کی ترقی، امن و امان کی صورتحال اور نوجوانوں کے مثبت کردار پر تفصیلی گفتگو بھی کی گئی۔

کور کمانڈر سے ملاقات کے دوران طلباء نے مختلف موضوعات پر سوالات کیے جن کے جامع اور مدلل جوابات دیے گئے، نوجوانوں کو مثبت سوچ کے ساتھ ملکی ترقی میں فعال کردار ادا کرنے کی ترغیب دی اور تعلیم کو قومی ترقی کی اصل بنیاد قرار دیتے ہوئے محنت و نظم و ضبط اپنانے کی ہدایت کی۔

نشست میں اس بات پر زور دیا گیا کہ بلوچستان کے نوجوان بے پناہ صلاحیتوں کے حامل ہیں اور انہیں ملکی ترقی میں مؤثر کردار ادا کرنے کے لیے ہر ممکن مواقع فراہم کیے جا رہے ہیں، طلباء نے اس ملاقات کو نہایت مفید قرار دیتے ہوئے پاک فوج کے اقدامات کو سراہا۔

طلبا کا کہنا تھا کہ اس طرح کی نشستیں اعتماد، ہم آہنگی اور اداروں کے ساتھ مضبوط رابطے کو فروغ دیتی ہیں، کور کمانڈر کی گفتگو نے نوجوانوں کے حوصلے بلند کیے اور مستقبل کے لیے ان کی مثبت سوچ کو مزید مستحکم کیا۔