مکہ مشترکہ دفاعی معاہدہ: خصوصی نغمہ جاری کر دیا گیا

پاکستان، سعودی عرب اور ترکیہ کے درمیان تاریخی مکہ مشترکہ دفاعی معاہدے پر دستخط کے یادگار موقع پر ایک خصوصی نغمہ جاری کر دیا گیا ہے، جس میں تینوں برادر اسلامی ممالک کی لازوال اخوت، مشترکہ ایمانی اقدار اور دفاعی عزم کو مؤثر انداز میں اجاگر کیا گیا ہے۔

اس خصوصی نغمے کا بنیادی پیغام امتِ مسلمہ کے اتحاد اور مذہبی لڑی پر مبنی ہے، جس میں زور دیا گیا ہے کہ ایک اللہ، ایک رسول ﷺ، ایک قرآن، ایک کلمہ، ایک قبلہ اور ایک ہی اسلامی پہچان کے رشتے میں جڑے پاکستان، سعودی عرب اور ترکیہ ہر محاذ پر ایک دوسرے کے شانہ بشانہ متحد کھڑے ہیں۔

دفتر خارجہ کے مطابق، یہ معاہدہ اس وقت طے پایا جب خادم حرمین شریفین شاہ سلمان بن عبدالعزیز کی خصوصی دعوت پر ترک صدر رجب طیب ایردوان اور وزیراعظم پاکستان شہباز شریف نے مملکتِ سعودی عرب کا اہم دورہ کیا۔ سعودی ولی عہد شہزادہ محمد بن سلمان نے معزز مہمانوں کا استقبال کیا۔ معاہدے کے تحت تینوں ممالک میں سے کسی ایک پر بھی حملہ تینوں ریاستوں پر حملہ تصور کیا جائے گا، جو خطے میں اجتماعی سلامتی کی نئی تاریخ رقم کر رہا ہے۔