LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

یومِ تکبیر پاکستان کی خودمختاری، دفاعی طاقت کی علامت ہے، سپیکر پنجاب اسمبلی

Web Desk

19 May 2026

لاہور: سپیکر پنجاب اسمبلی ملک محمد احمد خان نے کہا ہے کہ یومِ تکبیر منانے کا اصل مقصد پاکستان کی خودمختاری، ناقابلِ تسخیر دفاعی مضبوطی اور قومی وقار کے تاریخی دن کو یادگار بنانا ہے۔ لاہور میں جنرل کیڈرز ڈاکٹرز ایسوسی ایشن، علامہ اقبال میڈیکل کالج اور جناح ہسپتال کے زیرِ اہتمام یومِ تکبیر کے حوالے سے منعقدہ ایک قومی سیمینار سے خصوصی خطاب کرتے ہوئے سپیکر پنجاب اسمبلی نے واضح کیا کہ اگر پاکستان کے پاس ایٹمی صلاحیت نہ ہوتی تو بھارت جنوبی ایشیا میں اپنی بالادستی قائم کرنے کی ہر ممکن کوشش کرتا۔

انہوں نے بھارتی قیادت کی جارحانہ پالیسیوں پر کڑی تنقید کرتے ہوئے کہا کہ بھارت ہمیشہ سے نسلی برتری کے دعوے اور اپنے دفاعی نظام پر فخر کرتا آیا ہے۔ بھارتی وزیراعظم نریندر مودی نے ‘اکھنڈ بھارت’ کا نعرہ لگا کر خطے کے دیگر ممالک پر بالادستی کا خطرناک تصور پیش کیا، جبکہ بھارتی سیاست میں آج بھی پاکستان مخالف بیانیے پر انتخابات لڑے جاتے ہیں۔ انہوں نے بھارتی آرمی چیف کے پاکستان مخالف حالیہ بیان کو شدید افسوسناک قرار دیا۔

ملک محمد احمد خان کا کہنا تھا کہ وہ ذاتی طور پر جنگ کے سخت مخالف ہیں کیونکہ جنگ صرف بارود، تباہی اور انسانی جانوں کے ضیاع کا سبب بنتی ہے، تاہم اگر کوئی ملک پاکستان کی خودمختاری کو چیلنج کرے تو اسے بھرپور اور دندان شکن جواب دینا ملکی غیرت کا تقاضا ہے۔ انہوں نے زور دیا کہ مضبوط دفاعی صلاحیت ہی اصل میں امن کی ضمانت بنتی ہے، کیونکہ ایٹمی جنگ کی صورت میں صرف شہر ہی تباہ نہیں ہوں گے بلکہ آنے والی نسلیں، ماحول اور نباتاتی حیات بھی مٹ جائے گی۔

اپنے خطاب کے دوران انہوں نے جاری بین الاقوامی صورتحال، بالخصوص ایران اور امریکا کے مابین حالیہ شدید کشیدگی اور یورینیم افزودگی کے معاملے کا حوالہ دیتے ہوئے کہا کہ عالمی طاقتیں آج بھی ایٹمی صلاحیت کے معاملے پر انتہائی حساس رویہ اختیار کیے ہوئے ہیں۔ انہوں نے عزمِ نو کا اظہار کرتے ہوئے کہا کہ پاکستان کا ہمسایہ ملک اس کی آزادی کو دل سے تسلیم نہیں کرتا، اسی لیے قومی دفاع کو ہر صورت مضبوط رکھنا ہوگا، اور اگر کبھی زندگی اور خودمختاری میں سے کسی ایک کا انتخاب کرنا پڑا تو وہ ہمیشہ خودمختاری کو چنیں گے۔