سپین کا شاندار استقبال، میڈرڈ کی سڑکوں پر 18 لاکھ سے زائد شائقین کا جشن

فیفا ورلڈ کپ 2026 کی فاتح اسپین کی قومی فٹبال ٹیم کا وطن واپسی پر دارالحکومت میڈرڈ میں تاریخی اور والہانہ استقبال کیا گیا۔ امریکا کے شہر نیو جرسی میں کھیلے گئے فائنل میں ارجنٹائن کو اضافی وقت میں 1-0 سے شکست دینے کے بعد ٹیم وطن پہنچی، جہاں انہوں نے شاہی خاندان اور وزیراعظم پیڈرو سانچیز سے ملاقات کی۔ وزیراعظم نے ٹیم کی محنت اور شاندار فتح کی تعریف کرتے ہوئے کہا کہ پوری قوم کو ان پر فخر ہے۔ بعد ازاں کھلاڑی کھلی چھت والی بس میں ورلڈ کپ ٹرافی کے ساتھ میڈرڈ کی شاہراہوں سے گزرے جہاں سیبیلیس اسکوائر سمیت مختلف جگہوں پر 18 لاکھ سے زائد پرجوش شائقین نے رات گئے تک جشن منایا۔

جہاں ایک طرف پورے ملک میں خوشی کا ماحول تھا، وہیں جشن کے دوران ایک افسوسناک واقعہ بھی پیش آیا۔ حکام کے مطابق سالامانکا شہر میں فتح کی خوشی مناتے ہوئے ایک فوارہ گرنے کے حادثے میں 13 سالہ لڑکا جان کی بازی ہار گیا، جس پر ملک بھر میں شدید رنج و غم کا اظہار کیا گیا ہے۔