جنوبی افریقا نے پاکستان کو دوسرا ون ڈے 8 وکٹوں سے ہرادیا ، سیریز 1-1 سے برابر

جنوبی افریقا نے دوسرے ون ڈے میں شاندار کارکردگی کا مظاہرہ کرتے ہوئے پاکستان کو 8 وکٹوں سے شکست دے دی، جس کے ساتھ ہی تین میچوں کی سیریز 1-1 سے برابر ہوگئی۔

فیصل آباد میں کھیلے گئے میچ میں پاکستان نے پہلے بیٹنگ کرتے ہوئے 9 وکٹوں کے نقصان پر 269 رنز بنائے۔ قومی ٹیم کی جانب سے سلمان آغا نے 69، محمد نواز نے 59 اور صائم ایوب نے 53 رنز کی اننگز کھیلیں جبکہ بابر اعظم صرف 11 رنز بنا کر آؤٹ ہوئے۔

جنوبی افریقا کے ناندرے برگر نے شاندار بولنگ کا مظاہرہ کرتے ہوئے 4 وکٹیں حاصل کیں۔ جواب میں مہمان ٹیم نے مقررہ ہدف 41ویں اوور میں دو وکٹوں کے نقصان پر حاصل کرلیا۔

اوپنر کوئنٹن ڈی کوک نے ناقابل شکست 123 رنز کی لاجواب اننگز کھیلی جبکہ ٹونی ڈی زورزی نے 76 رنز بنا کر ان کا بھرپور ساتھ دیا۔ پاکستان کی جانب سے فہیم اشرف اور محمد وسیم جونیئر نے ایک، ایک وکٹ حاصل کی۔ سیریز کا فیصلہ کن تیسرا میچ اب دونوں ٹیموں کے درمیان ہفتے کے روز کھیلا جائے گا۔

جنوبی افریقا نے پاکستان کو دوسرا ون ڈے 8 وکٹوں سے ہرادیا ، سیریز 1-1 سے برابر

Web Desk

متعلقہ عنوانات

وزیراعظم کی قیمتی پتھروں کیلئے برانڈ پاکستان متعارف کروانے کی ہدایت

آئینی عدالت: بشریٰ بی بی کی سزا معطلی کی درخواست ناقابل سماعت قرار

کے پی حکومت سیکیورٹی چیلنجز پر چڑھائی کو ترجیح دیتی رہی، قیدی رہنما کا ریلیف عدالتوں کا اختیار ہے: اعظم نذیر تارڑ

خیبرپختونخوا کا فیصلہ واپس لے کر ایوان کو مضبوط بنایا جائے، یہ حکومت بندوق اور پیسے کے زور پر قائم ہے: اپوزیشن لیڈر

حکومت نے مذاکرات کی ہر ممکن کوشش کی لیکن تحریک انصاف نے سیاسی خود کش حملہ کیا: بلاول بھٹو

قومی اسمبلی میں خیبرپختونخوا میں ایمرجنسی کی توثیق کیلئے قرارداد پیش

محسن نقوی سے روسی ہم منصب کی ملاقات، وفود کی سطح پر تفصیلی مذاکرات

پاکستان اور عمان کا خطے میں امن کیلئے ملکر کام کرنے پر اتفاق