2مرتبہ مذاکرات کی کوشش کی مگر بند کمروں میں فیصلہ کرنے والے نہیں مانتے :سہیل آفریدی 

وزیر اعلیٰ خیبر پختونخوا سہیل آفریدی نے کہا ہے کہ تمام سیاسی جماعتیں روزانہ احتجاج میں شریک ہوتی ہیں، تاہم ان کی جماعت اپنی سیاسی جدوجہد کو تسلسل کے ساتھ جاری رکھے گی۔

انہوں نے کہا کہ دو بار مذاکرات کی کوشش کی گئی لیکن بند کمروں میں فیصلے کرنے والے لوگ بات چیت پر آمادہ نہیں ہوئے۔ ان کا کہنا تھا کہ ایسے عناصر سے اب مزید کیا توقع کی جا سکتی ہے جو کھلے سیاسی عمل کے بجائے بند کمروں میں فیصلے کرتے ہیں۔

سہیل آفریدی نے کہا کہ ان کی جماعت صوبائی نشستوں پر بھرپور کامیابی حاصل کرے گی اور خیبر پختونخوا میں بھی واضح اکثریت کے ساتھ کامیابی حاصل کرنے کی پوزیشن میں ہے۔

انہوں نے مزید کہا کہ بانی پی ٹی آئی کی رہائی سمیت تمام سیاسی مقاصد حاصل کیے جائیں گے، جبکہ اسیران اور دیگر سیاسی معاملات پر بھی کامیابی ملے گی۔

ان کا کہنا تھا کہ سیاسی جدوجہد ہر صورت جاری رہے گی اور اس میں کوئی کمی نہیں آئے گی۔