سنگاپور نے 2026 میں دنیا کے طاقتور ترین پاسپورٹ کا اعزاز حاصل کر لیا

تازہ ترین ہینلی پاسپورٹ انڈیکس 2026 کے مطابق سنگاپور نے دنیا کے سب سے طاقتور پاسپورٹ کا اعزاز اپنے نام کر لیا ہے، جس کے حامل افراد پیشگی ویزا کے بغیر دنیا کے 192 ممالک اور علاقوں کا سفر کر سکتے ہیں۔ یہ درجہ بندی عالمی سطح پر سفری آزادی کا اہم اشاریہ سمجھی جاتی ہے جو اس بنیاد پر تیار کی جاتی ہے کہ کسی ملک کے شہری بغیر پیشگی ویزا کتنی منزلوں تک رسائی حاصل کر سکتے ہیں۔ انڈیکس میں جاپان، جنوبی کوریا اور متحدہ عرب امارات مشترکہ طور پر دوسرے نمبر پر رہے، جن کے شہری 188 ممالک میں ویزا فری سفر کر سکتے ہیں۔ رپورٹ کے مطابق یہ نتائج عالمی سفری آزادی میں ایشیائی ممالک کے بڑھتے ہوئے اثر و رسوخ کو ظاہر کرتے ہیں۔ ناروے، سوئٹزرلینڈ اور یورپی یونین کے رکن ممالک نے بھی اپنی نمایاں پوزیشن برقرار رکھی ہے جہاں کے شہری 180 سے زائد ممالک کا سفر بغیر ویزا کر سکتے ہیں۔ رپورٹ میں خصوصاً متحدہ عرب امارات کی گزشتہ دو دہائیوں کی غیر معمولی پیش رفت کو سراہا گیا ہے، جس نے 153 نئی ویزا فری منزلیں شامل کر کے یہ مقام حاصل کیا