گورنر سندھ کامران ٹیسوری کا پی ٹی آئی پر تنقیدی بیان، عمران خان کی قیادت پر سوالات

گورنر سندھ کامران ٹیسوری نے میڈیا سے گفتگو میں کہا کہ وہ اپنی پارٹی کا بیانہ نہیں، بلکہ دل کی بات کرتے ہیں۔ انہوں نے پی ٹی آئی کی قیادت پر تنقید کرتے ہوئے کہا کہ عمران خان اور ان کے ساتھی پاکستان کو بدنام کرنے میں کوئی کسر نہیں چھوڑ رہے، اور بیرون ملک بیٹھ کر جو کچھ کر رہے ہیں، اس کی وجہ سے ان کو گھر بھی مل گئے ہیں۔

کامران ٹیسوری نے کہا کہ پی ٹی آئی سے کوئی بات چیت نہیں ہونی چاہیے اور پانچ سال تک ان کا بائیکاٹ ہونا چاہیے۔ انہوں نے عمران خان کے دور حکومت کے فیصلوں پر تنقید کرتے ہوئے کہا کہ توشہ خانہ کے تحائف کم قیمت پر بیچے گئے اور نوکریوں کے وعدے پورے نہیں ہوئے۔

گورنر نے اپنے اقدامات کو بھی اجاگر کیا کہ گورنر ہاؤس میں یونیورسٹی قائم کی گئی اور دروازے 24 گھنٹے کھلے رکھے گئے۔ انہوں نے کہا کہ سابق قیادت نے صرف سیاسی نعرے دیے جبکہ عالمی سطح پر فلیڈ مارشل کو زیادہ عزت حاصل رہی۔