نانٹکیٹ کے ساحل کے قریب لاپتا طبی طیارے کا ملبہ مل گیا، 6 افراد تاحال لاپتا

امریکی کوسٹ گارڈ نے نانٹکیٹ کے ساحل کے قریب سمندر سے برمودا سے بوسٹن جانے والے اس طبی امدادی طیارے کا ملبہ تلاش کر لیا ہے جو گزشتہ روز ریڈار سے غائب ہو گیا تھا۔ برمودا سے بوسٹن جانے والے گلف اسٹریم جی 100 طیارے میں ایک مریض سمیت کینیڈا اور برمودا کے 6 شہری سوار تھے۔ حکام کے مطابق کوسٹ گارڈ، نیویارک ایئر نیشنل گارڈ اور دیگر اداروں کے طیاروں، ہیلی کاپٹروں اور ریسکیو کشتیوں پر مشتمل ٹیموں نے اب تک 27 گھنٹوں میں 1,644 مربع میل کے علاقے میں سرچ آپریشن مکمل کر لیا ہے، تاہم طیارے میں سوار افراد کا تاحال کوئی سراغ نہیں مل سکا اور ان کی تلاش کے لیے ریسکیو کارروائیاں جاری ہیں۔