خیبرپختونخوا حکومت تحریری معاہدے پر اتفاق کرکے آخری وقت میں پیچھے ہٹ گئی: محسن نقوی

وفاقی وزیر داخلہ محسن نقوی نے انکشاف کیا ہے کہ حکومت اور پی ٹی آئی کے درمیان مذاکرات اس لیے بے نتیجہ ختم ہوئے کیونکہ خیبرپختونخوا حکومت انسدادِ دہشت گردی اور امن و امان کے تحریری معاہدے پر اتفاق کرنے کے باوجود آخری وقت میں اپنے وعدوں سے پیچھے ہٹ گئی۔ سوشل میڈیا پر جاری تفصیلی بیان میں انہوں نے بتایا کہ طے پانے والے نکات میں پولیس ایکٹ 2026 میں نظرثانی، دہشت گرد گروہوں کے خلاف کارروائیاں، افغان مہاجرین کی واپسی اور وفاق کے ذریعے امور طے کرنا شامل تھے۔ محسن نقوی نے اس بات پر شدید تشویش کا اظہار کیا کہ دہشت گردی کی لپیٹ میں موجود صوبے میں سیکیورٹی جیسے حساس قومی معاملے پر سیاست کرنا اور معاہدے سے مکرنا انتہائی افسوسناک ہے۔