LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل امریکی صدر نے ایران پر دوبارہ حملوں کا معاملہ اگلے سال تک ملتوی کردیا امریکی سینیٹ نے ٹرمپ کو ایران پر حملوں سے روکنے کی قرارداد مسترد کر دی ترکیہ نے اپنا پہلا بغیر پائلٹ جنگی طیارہ قزل ایلما مسلح افواج کے حوالے کر دیا اینتھروپک کے حصص کی فروخت، کمپنی کی مالیت 15 کھرب تک پہنچ گئی ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز

جعلی خبروں اور ڈیپ فیک مواد کے پھیلاؤ پر سخت کارروائی ہوگی، شرجیل انعام میمن

Web Desk

5 February 2026

کراچی میں کامن ویلتھ پارلیمانی کانفرنس سے خطاب کرتے ہوئے صوبائی وزیر اطلاعات شرجیل انعام میمن نے کہا ہے کہ جعلی مواد اور جھوٹی خبروں کے پھیلاؤ کو کسی صورت برداشت نہیں کیا جائے گا اور ایسے عناصر کو نتائج کا سامنا کرنا ہوگا۔ انہوں نے خبردار کیا کہ جھوٹی معلومات کسی فرد کی زندگی اور ساکھ کے لیے خطرہ بن سکتی ہیں اور فیک نیوز پورے معاشرے کے لیے ایک سنگین چیلنج بن چکی ہے۔
شرجیل میمن نے کہا کہ اس مسئلے کے حل کے لیے مضبوط اور مؤثر قانون سازی ناگزیر ہے۔ انہوں نے واضح کیا کہ پیکا ایکٹ پہلے سے نافذ ہے تاہم اسے مزید بہتر بنانے کی ضرورت ہے تاکہ جعلی معلومات کے خلاف مؤثر کارروائی کی جا سکے۔ ان کا کہنا تھا کہ قانون سازی تمام طبقات کے لیے یکساں ہونی چاہیے اور جھوٹی خبریں پھیلانے والوں کا بلاامتیاز احتساب ہونا چاہیے۔
صوبائی وزیر اطلاعات نے صحافیوں کی پیشہ ورانہ تربیت کو بھی ناگزیر قرار دیا اور کہا کہ غیر مستند خبریں نہ صرف افراد بلکہ اداروں کی ساکھ کو بھی نقصان پہنچاتی ہیں۔ انہوں نے کہا کہ ڈیپ فیک اور اے آئی سے تیار کردہ جعلی مواد حکومت ہی نہیں بلکہ سیاسی جماعتوں اور پورے معاشرے کے لیے بڑا چیلنج ہے۔
شرجیل میمن کے مطابق محکمۂ اطلاعات 24 گھنٹے صورتحال کی نگرانی کر رہا ہے جبکہ جعلی اور حقیقی مواد میں فرق کرنے کے لیے مؤثر نظام اور اے آئی ڈیٹیکشن ٹول کی تیاری وقت کی اہم ضرورت ہے۔ انہوں نے بتایا کہ مختلف ٹی وی چینلز کے نام پر جھوٹی خبریں پھیلانے کا رجحان بڑھ رہا ہے، جبکہ آواز اور ویڈیوز کی نقل سازی سے غلط معلومات تیزی سے عام ہو رہی ہیں۔
انہوں نے مزید کہا کہ حکومت سوشل میڈیا پلیٹ فارمز فیس بک، ایکس، ٹک ٹاک اور انسٹاگرام کی مسلسل مانیٹرنگ کر رہی ہے تاکہ جعلی معلومات کے پھیلاؤ کو روکا جا سکے۔
دوسری جانب کامن ویلتھ پارلیمانی کانفرنس کے دوسرے روز کا آغاز ہوا، جس میں فیک نیوز کے بڑھتے رجحان، موسمیاتی تبدیلی کے عالمی اثرات، جمہوری اقدار کے فروغ، پارلیمانی روابط اور عالمی چیلنجز کے مؤثر حل پر تفصیلی غور کیا جا رہا ہے۔ کانفرنس میں مختلف ممالک کے نمائندے باہمی تعاون کو مزید مضبوط بنانے کے لیے مشترکہ حکمت عملی پر مشاورت کر رہے ہیں۔