پاکستان ہمارا وطن، ہماری شناخت، امید اور خوابوں کی تعبیر ہے: شرجیل میمن

پاکستان کے یومِ آزادی کے موقع پر صوبائی سینئر وزیر شرجیل انعام میمن نے پوری قوم کو مبارکباد پیش کرتے ہوئے آزادی کے لیے قربانیاں دینے والے شہدا، مجاہدین اور بانیانِ پاکستان کو شاندار الفاظ میں خراجِ عقیدت پیش کیا ہے۔ انہوں نے اپنے پیغام میں کہا کہ پاکستان ہماری شناخت، امید اور خوابوں کی تعبیر ہے جو ہمارے بزرگوں کی بے مثال قربانیوں اور شہدا کے خون کی امانت ہے۔ بابائے قوم قائد اعظم محمد علی جناحؒ کی باہمت قیادت کو خراجِ تحسین پیش کرتے ہوئے انہوں نے کہا کہ ہمارے اسلاف نے لازوال جدوجہد سے ناممکن کو ممکن کر دکھایا۔ شرجیل انعام میمن نے مزید کہا کہ آج ہم جس آزاد فضا میں سانس لے رہے ہیں وہ لاکھوں قربانیوں کی بدولت ہے، اور اب یہ ہم سب کی ذمہ داری ہے کہ باہمی اتحاد کے ساتھ اس ملک کو ایک عظیم اور خوشحال قوم کی منزل تک پہنچائیں