آزاد کشمیر الیکشن: نتائج کو’’فارم 47 پلس‘‘ کے نام سے یاد رکھا جائیگا: شرجیل میمن

سندھ کے سینئر وزیر شرجیل انعام میمن نے نواز شریف اور مریم نواز کے بیانات پر شدید ردعمل دیتے ہوئے کہا ہے کہ آزاد کشمیر کے انتخابات کے نتائج کو تاریخ میں ’’فارم 47 پلس‘‘ کے نام سے یاد رکھا جائے گا۔ انہوں نے الزام عائد کیا کہ مسلم لیگ (ن) نے ایک بار پھر تاریخی دھاندلی کے ذریعے خیراتی مینڈیٹ حاصل کیا ہے، کیونکہ عوام نے 2024ء کے بعد 2026ء میں بھی انہیں مسترد کر دیا تھا۔ شرجیل میمن کا کہنا تھا کہ جعلی مینڈیٹ سے حکومت تو بنائی جا سکتی ہے لیکن عوامی حمایت حاصل نہیں کی جا سکتی۔ نواز شریف کے شکوے کا جواب دیتے ہوئے انہوں نے کہا کہ پیپلز پارٹی نے ہمیشہ جمہوری اصولوں کا احترام کیا ہے اور بے ضابطگیوں پر آواز اٹھانا ان کا جمہوری حق ہے۔