ہمارے بحری جہازوں پر قبضہ ہوا تو مناسب جواب دیں گے، روسی وزیر خارجہ

روسی وزیر خارجہ سرگئی لاوروف نے یورپی یونین کی روس مخالف بحری پالیسی کو انتہائی خطرناک قرار دیتے ہوئے خبردار کیا ہے کہ اگر روسی بحری جہازوں کے خلاف کوئی اقدام کیا گیا تو مغرب کو اس کے سنگین نتائج کا سامنا کرنا پڑے گا۔ اپنے ایک بیان میں انہوں نے واضح کیا کہ روس جوابی کارروائی کے لیے اپنے اہداف کا انتخاب خود کرے گا اور اپنے مفادات و شہریوں کے تحفظ کے لیے ہر ممکن اقدام اٹھائے گا۔ انہوں نے یورپی یونین پر بین الاقوامی قوانین کو نظر انداز کرنے کا بھی الزام عائد کیا۔ دوسری جانب روسی صدر ولادیمیر پیوٹن نے بھی یورپ کو سخت جوابی کارروائی کی دھمکی دی ہے۔ یاد رہے کہ یہ شدید ردِعمل یورپی یونین کی جانب سے روس کے مبینہ “شیڈو فلیٹ” کے خلاف دباؤ بڑھانے کے فیصلے کے بعد سامنے آیا ہے، جس پر ماسکو نے کشیدگی میں خطرناک حد تک اضافے کا انتباہ دیا ہے۔