سینیٹر فیصل واوڈا کی مولانا فضل الرحمان سے ملاقات، 27ویں آئینی ترمیم پر مشاورت

اسلام آباد :سینیٹر فیصل واوڈا نے جمعیت علمائے اسلام (ف) کے سربراہ مولانا فضل الرحمان سے ملاقات کی، جس میں ملکی سیاسی، پارلیمانی اور قومی امور سمیت 27ویں آئینی ترمیم کے حوالے سے مشاورت کی گئی۔

میڈیا سے گفتگو کرتے ہوئے فیصل واوڈا نے کہا کہ وہ 27ویں کے بعد 28ویں ترمیم کے لیے بھی بے تاب ہیں۔ان کا کہنا تھا کہ مولانا فضل الرحمان نے ہمیشہ پاکستان کا ساتھ دیا اور اس بار بھی ان کا کردار نہایت اہم ہے۔فیصل واوڈا نے بتایا کہ مولانا فضل الرحمان نے ترمیم سے متعلق تجاویز کا جائزہ لینے کا یقین دلایا ہے، جبکہ حکومت جلد ان سے مزید رابطہ کرے گی۔سینیٹر فیصل واوڈا نے کہا کہ یہ نمبر کا نہیں، بلکہ قومی اتفاقِ رائے کا معاملہ ہے، پاکستان کے لیے مولانا فضل الرحمان کا ساتھ ضروری ہے۔انہوں نے مزید کہا کہ 27ویں ترمیم کی منظوری واضح طور پر نظر آ رہی ہے، اور پی ٹی آئی کو بھی اس معاملے پر اعتماد میں لینا چاہیے۔فیصل واوڈا نے اس موقع پر سہیل آفریدی کا خیرمقدم بھی کیا