گلگت بلتستان اسمبلی انتخابات 2026 کا شیڈول جاری

الیکشن کمیشن آف پاکستان نے گلگت بلتستان اسمبلی انتخابات 2026 کا باضابطہ شیڈول جاری کر دیا ہے

جس کے مطابق ووٹنگ 24 جنوری 2026 کو ہوگی۔ شیڈول کے اعلان کے بعد انتخابی سرگرمیوں میں تیزی آنے کی توقع ہے۔
جاری کردہ نوٹیفکیشن کے مطابق امیدواروں کے لیے کاغذاتِ نامزدگی جمع کرانے کی آخری تاریخ 15 دسمبر 2025 مقرر کی گئی ہے۔کاغذات نامزدگی کی جانچ پڑتال 23 سے 30 دسمبر 2025 تک جاری رہے گی۔الیکشن کمیشن کے فیصلوں کے خلاف اپیلیں 3 جنوری 2026 تک دائر کی جا سکیں گی، انتخابی ٹریبیونل ان اپیلوں پر 10 جنوری 2026 کو فیصلے سنائے گا۔امیدواروں کی نظر ثانی شدہ فہرست 11 جنوری 2026 کو جاری کی جائے گی، جب کہ نامزدگی واپس لینے کی آخری تاریخ 12 جنوری 2026 مقرر کی گئی ہے۔امیدواروں کو انتخابی نشانات 13 جنوری 2026 تک الاٹ کر دیے جائیں گے۔الیکشن کمیشن کے مطابق تمام انتظامات شفاف، آزاد اور منصفانہ انتخابات کے انعقاد کو یقینی بنانے کے لیے کیے جا رہے ہیں۔