LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

زرمبادلہ ذخائر قرضوں سے نہیں انٹربینک مارکیٹ سے خریداری سے بڑھے، رواں سال ترسیلاتِ زر 41.5 ارب ڈالر سے تجاوز کریں گی: اسٹیٹ بینک

Web Desk

3 July 2026

اسٹیٹ بینک آف پاکستان نے زرمبادلہ کے ذخائر اور ترسیلاتِ زر (Remittances) کے حوالے سے اہم ترین حقائق اور اعداد و شمار جاری کیے ہیں۔ مرکزی بینک کے حکام کے مطابق، پاکستان کے زرمبادلہ کے ذخائر کسی بیرونی قرضے کے باعث نہیں بلکہ انٹربینک مارکیٹ سے امریکی ڈالر کی خریداری کے نتیجے میں بڑھے ہیں، اور سب سے مثبت بات یہ ہے کہ اسٹیٹ بینک کو یہ زرمبادلہ ذخائر کسی بھی بیرونی ادارے یا ملک کو واپس نہیں کرنے۔

اسٹیٹ بینک کے مطابق سمندر پار پاکستانیوں کی جانب سے بھیجی جانے والی ترسیلاتِ زر میں گزشتہ چند برسوں کے دوران شاندار اضافہ ریکارڈ کیا گیا ہے۔ سال 2023ء میں ترسیلاتِ زر 27.3 ارب ڈالر تھیں، جو سال 2025ء میں بڑھ کر 38.3 ارب ڈالر تک پہنچ گئیں۔

مرکزی بینک نے توقع ظاہر کی ہے کہ مالی سال 2026ء میں ترسیلاتِ زر 41.5 ارب ڈالر سے بھی زائد رہیں گی، جو اسٹیٹ بینک کے لگائے گئے پیشگی تخمینے کے بالکل عین مطابق ہیں۔ مزید برآں، بینک کی جانب سے نئے مالی سال کے لیے باقاعدہ منصوبہ بندی کر لی گئی ہے، جس کے تحت مالی سال 2027ء میں ترسیلاتِ زر کا حجم مالی سال 2026ء کے مقابلے میں بھی زیادہ بہتر رہنے کی امید ہے۔

رپورٹ میں بتایا گیا ہے کہ ایران اور امریکا کے درمیان حالیہ کشیدگی و جنگ کے دوران یہ چہ مگوئیاں عروج پر تھیں کہ اس صورتحال سے پاکستان کی ترسیلاتِ زر شدید متاثر ہوں گی۔ تاہم، اسٹیٹ بینک نے خطے میں ماضی میں ہونے والی جنگوں کا باریک بینی سے تجزیہ کیا اور اس نتیجے پر پہنچا کہ موجودہ حالات کے باعث ترسیلاتِ زر میں زیادہ سے زیادہ صرف 1 ارب ڈالر تک کی معمولی کمی واقع ہو سکتی ہے، جس سے ملکی معیشت پر کوئی بڑا بحران پیدا نہیں ہوگا۔